^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 11 желтоқсан 2019
 
     
 
Әлеуметтік сала / Бақытты отбасы

«Бақытты отбасы»: Алматыда тұрмысы төмен көпбалалы отбасыларды кешенді қолдаудың қалалық бағдарламасы жасалды

Алматы әкімі Бауыржан Байбек тұрғындармен жыл сайынғы есепті кездесуінде көпбалалы отбасыларды кешенді қолдаудың «Бақытты отбасы» қалалық бағларламасын ұсынды, оның құрамына 7 бағыттан тұратын 13 нақтылы шара енген. Олар - жеңілдетілген ипотека, қайта оқыту және жұмыспен қамту, стипендиялар және тегін бала бақшалар, сонымен қатар жергілікті бюджеттің бір реттік төлемін ұлғайту.

1. Аналар орталығы

Көпбалалы аналардың қалалық «Бақытты отбасы» орталығы бір терезе қағидасы бойынша жұмыс істейді және аналарға құқықтық, психологиялық кеңестер беріліп, реабилитациялық көмек көрсетіледі. Мұнда көпбалалы аналар жұмыспен қамтылады. Аналарға ыңғайлы болу үшін орталықта мини-бала бақшалар ұйымдастырылады.

2. «Бақытты отбасы» арнайы әлеуметтік тұрғын үй бағдарламасы

Кезекте тұрған 1276 көпбалалы және толық емес отбасылардың алғашқы жарнаны төлеуге қаржылары жоқ болғандықтан қала бюджетінен 1 млн. теңгенің тұрғын үй сертификаты бөлінеді. Алғашқы жарна пәтер құнының 10%-ын құрайды, мөлшерлеме 18 жылға 2%.

Несие тек жаңа үйлердегі құны 15 млн. теңгеден аспайтын шағын пәтерлерге ғана беріледі. Биылғы жылы Алатау және Наурызбай аудандарында осындай 500-ден астам пәтер іске қосылады. Бұлардан өзге, ескі үйлер сүріліп, жаңалары салынады. Мемлекеттік-жекешелік әріптестік бойынша бес жыл ішінде 23 пәтер салу жоспарланған.

3. Еңбекпен қамту

Мемлекет басшысының тапсырмасы бойынша республикада «Еңбек» бағдарламасы жүзеге асуда. Осылайша Еңбекпен қамту орталығы жұмысы, мамандығы және тәжірибесі жоқтарға көмектеседі. Өткен жылы 32 мың адам еңбекпен қамтылды.

Әр адамға 63 мың теңге көлемінде жалақы төлеу үшін жұмыс берушілерге жергілікті бюджеттен субсидия бөлінеді. Өткен жылы әлеуметтік жұмыспен 4200 адам қамтылып, 1300 адам жастар практикасына жіберілді.

Биылғы жылы «Бақытты отбасы» бағдарламасы аясында қаржы көлемі 30%-ға, 2 300 адамға өседі, олардың 1200 тұрмысы төмен отбасылардың жоғары оқу орындары мен колледждерді бітірген түлектері. Әйелдердің кәсіппен айналысуы қолдауға ие болады.

4. Білім

«Бақытты отбасы» бағдарламасы аясында Алматыда тұрмысы төмен отбасылардың екінші баласынан бастап бала бақша тегін болады.

Тұрмысы төмен отбасылардың оқу үздіктеріне стипендия төленеді. Бұл олардың білімге деген ынтасын арттырады. Университеттер мен колледждер студенттеріне ай сайын 10 мың теңгеден, мектеп оқушыларына 5 мың теңгеден беріледі.

5. Жыл сайынғы әлеуметтік төлемдер

Алматы қаласының бюджетінде 2019 жылы 24 мың адамды қамтитын 11 тұрақты әлеуметтік төлемдер үшін 2 млрд. теңге қарастырылған.

Тұрмысы төмен отбасыларға коммуналдық қызмет төлемдері үшін жәрдемақы беріледі. Егер бұрындары мұндай көмекті 2 600-ден астам отбасы алатын болса, енді «Бақытты отбасы» бағдарламасы аясында төлем көлемі 2 есе өсіп, онымен қамтылатын жандар қатары 30%-ға артады.

Үйде мүгедек баланы оқытуға кететін шығын орнын толтыруға берілетін атаулы көмек көлемі ұлғаяды.

6. Бірреттік төлем

Өмірлік қиын жағдайға душар болғандарға бірреттік төлемдер беріледі. Олардың қатарына асырушысынан айрылғандар, өрттен, су тасқынынан және басқа да төтенше жағдайлардан зардап шеккендер жатады. Жыл ішінде мұндай көмекке 4,3 мың адам ие болды. Биылғы жылдан бастап төлем көлемі 2 есе, 25 мыңнан 50,5 мың теңгеге өсті.

Тұрмысы төмен отбасыларға ыстық және суық су есептегіш қондырғыларын орнату үшін берілетін жәрдемақы көлемі 70%-ға артады.

7. Алматылықтардың қайырымдылық көмегі

Қала кәсіпкерлері «Бақытты отбасы - Алматы» қоғамдық қайырымдылық қорын құруда.

Жалпы, «Бақытты отбасы» қалалық бағдарламасы аясында 7 мыңнан астам адамға әлеуметтік қолдау көрсетіледі. 1276 отбасы жеңілдетілген ипотека бойынша пәтер алу мүмкіндігіне ие болады. 2 мың адам қайта оқиды, 2300 адам қосымша жұмыспен қамтылады. 710-ге жуық бала тегін бала бақшаға барады. 1950 оқушыға, 385 колледж студенттеріне, 1461 ЖОО студенттеріне стипендиялар мен көмек ақша беріледі.

Айта кетерлігі, бұрындары Бауыржан Байбек Алматыда бірқатар негізсіз шығындардан арылуды ұсынған еді. Соның арқасында үнемделген қаржы азаматтардың өтініші бойынша әлеуметтік бағыттарға жұмсалады. Олар: жұмыс орындарын құру, тұрмысы төмен отбасыларға, оның ішінде көпбалалы аналарға қолдау көрсету, басқа да әлеуметтік мәні бар мәселелерді шешу.


 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56