Алматының барлық ауданында жастарға арналған 8 комьюнити орталығы қаңтар айында жұмысын бастайды. Онда жастар тегін білім беріп, мәдени іс-шараларға қатыса алады, білікті психологиялық және заңгерлік қолдау, қаржылық сауаттылық бойынша кеңестер алып, жұмысқа орналасуға көмек ала алады.
8 комьюнити орталық жылына 800 мыңнан астам жасқа қызмет көрсетеді. Орталықтардың жұмыс кестесі қаңтардың екінші жартысында жарияланады.
Әуезов ауданының Мамыр-1 шағын ауданында алғашқы комьюнити орталығы бүгін ашылды. Комьюнити орталықтың резиденттерінің айтуынша, бұл жастарға мүддесі, идеясы бір достармен қатар, жақсы жұмыс табудың тамаша мүмкіндігі.
«Мен біраз уақыт жұмыссыз болдым, өзімді жаңа салада сынап көргім келді. Барлық жерден мүмкіндік іздедім. Осылайша, Алматы қаласында жастарды қолдау жөнінде тегін курстар өткізілетінін білдім. Сол жерде оқып, қазір математика орталығында сату жөніндегі маман болып жұмыс істейтінімді, жоғары жалақы алатынымды мақтанышпен айтамын. Ал комьюнити орталықтың пайда болуы өзімді сынап көрудің тамаша мүмкіндігі», – дейді қала тұрғыны Дәулет Қали.
Комьюнити орталықтарды құру еңбек нарығы үшін сұранысқа ие мамандарды даярлауға және жастарды мегаполистің қоғамдық бастамаларына тартуға мүмкіндік береді, деп атап өтті Алматы әкімі Ерболат Досаев Мамыр-1 шағын ауданындағы комьюнити орталықтың ашылуы барысында.
«Комьюнити орталықтың дизайны – әрбір жастың әлеуетін ашудың кілті. Біз қабырға мен шатырды ғана емес, шығармашылықтың, идеялармен алмасудың және жеке тұлғаның дамуының орталығына айналатын орынды құруға тырысамыз. Жастар үшін барынша қолайлы жағдай жасауға тырыстық, онда әрбір деталь жақындастырып, мәдениеттер, идеялар мен инновациялар арасында дәнекерге айналады», – дейді дизайн-жобаның авторы, Алматы әкімдігінің жобалық кеңсесінің өкілі Кристина Бекмурзаева.
Курстарды ұйымдастырумен қатар, Алматы қаласының жастар саясаты басқармасы Jobfаir365 жастарға арналған жұмыс іздеудің бірыңғай платформасын іске қосты. Бұл іс-шаралар 11 мыңға жуық жасты оқытуға және 42 мыңнан астам жас буынды жұмысқа орналастыруға мүмкіндік берді.