Бизнес-қауымдастық өкілдері қазірдің өзінде жеміс және қылқан жапырақты ағаш отырғызып, сенбілікке қатысуда
Алматылық кәсіпкерлер Instagram парақшасына биыл 8 сәуірде басталған «Алматы – біздің ортақ үйіміз» науқанына қатысуға шақырған бейне үндеу жариялады.
Дизайнер және кәсіпкер Аида Қауменова (https://www.instagram.com/p/C5lGhJxN7Tm/) командасымен бірге «Алматы – біздің ортақ үйіміз» бастамасына қосылғанын айтып, жақында жаңа кеңсеге көшкенін және ең әуелі әріптестерімен бірге іргелес аумақты тазартқанын атап өтті.
«Сіздерді де кеңсеңіз бен үйіңіздің айналасын тазалауға шақырамын. Жанның тазалығы – айналаның тазалығы мен ниеттің тазалығы. Егер әрбіріміздің ниетіміз бен іс-әрекетіміз таза болса, қаламыз да таза болады, көркейеді!»,- деді ол бейне хабарламада.
«Алматы көпір конструкциялары зауыты» ЖШС ең ірі жол-құрылыс кәсіпорны да өзінің парақшасына (https://www.instagram.com/reel/C5f2zdov-4N/?igsh=cnFrdDJmc3E5eW54) науқанға қатысуға үндеді:
«Биыл оңтүстік астанада «Алматы – біздің ортақ үйіміз» атты тазалық айы басталды. Биыл АЗМК Group холдингінің аумағында 80-нен астам қылқан жапырақты және жеміс ағаштары отырғызылды. 200-ден астам жасыл кеңістікті отырғызу жоспарланған. Сонымен қатар, осы айда көктемгі тазалық бойынша іс-шаралар жоспары жасалды. Құрметті алматылықтар, сіздерді де атсалысуға, табиғатты қорғауға және туған қаламыздың игілігі үшін тазалық сақтауға шақырамыз!»,- деді зауыт қызметкерлері қала тұрғындарына.
Алаша мейрамханасының өкілі тұрғындарды (https://www.instagram.com/reel/C5k6JWSoKSZ/?igsh=MTJzZmVxMDc5dzd3NQ%3D%3D) осы бастамаға қатысуға шақырады:
«Қаламыздың дамуына әркім үлес қоса алады!» – деді ол.
«Sungroup Asia» мейрамхана холдингі де қалыс қалмады (https://www.instagram.com/reel/C5lTBYgCALk/?igsh=MWh5dWxqYTN2ejNhbQ%3D%3D):
«Құрметті Алматы тұрғындары, сіздердің жиналып, қаланың әсемдігін сақтауға үлес қосуға мүмкіндіктеріңіз бар! Біздің қатарға қосылыңыз!» – деді мейрамхана қызметкері.
Ordamed.kz компаниясының командасы да идеяны қолдап (https://www.instagram.com/reel/C5lOlv0oqf6/?igsh=ZWFtY2d4dWZuYWth), әріптестері мен серіктестеріне үндеу жолдады:
«Алматы – біздің ортақ үйіміз» науқанының басты мақсаты: ортақ үйімізге, қаламызға мәдениет пен тазалықты сіңіру, оны әрбіріміз жасай аламыз. Біздің әрбіріміз осы әсем қаланың бір бөлігі екенімізді және біздің мінез-құлық мәдениетіміз оның келбетін анықтайтынын есте ұстаған жөн. Сондықтан дөрекілік танытпай, бір-бірімізге құрметпен қарайық. Біз бірігіп әркім өзін маңызды әрі құрметті сезінетін қоғам құра аламыз», – деді компания қызметкерлері.
Mega Park компаниясы да әріптестерінің пікірімен келіседі.
«Көктем – бұл үйді, ауланы және көшені ретке келтіру уақыты. MEGA Park СОО «Алматы – біздің ортақ үйіміз» науқанын қолдайды. Бір ай бойы іс-шаралар өтеді, соның арқасында біздің қала жақсы, таза, әдемі болады. Науқанды қолдап, қаланы таза ұстайық!» – деді компания өкілі.
Естеріңізге сала кетейік, Алматыда «Алматы – біздің ортақ үйіміз» науқаны өтіп жатыр. Әрбір тұрғын қаланы дамыту мен көркейтуге үлес қоса алады.
Толық ақпарат almaty.kz сайтында және Алматы әкімдігінің әлеуметтік желідегі парақшаларында жарияланған. Сондай-ақ қала бойынша орналастырылған баннерлер, плакаттар мен афишаларда көрсетілген QR-код арқылы веб-сайтқа кіруге болады.
Науқанның белсенді қатысушыларына арналған әлеуметтік желідегі хэштегтер: #АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.