Алматыдағы Абай алаңында этноауыл құрылып, қолөнер шеберлерінің жәрмеңкесі, ал Арбатта 100-ге жуық кәсіби шеберлер мен көркемдік еңбек мұғалімдері қатысқан халықаралық «Этнодизайн» жәрмеңкесі өтіп жатыр.
Абай алаңындағы шатырда Қазақстан, сондай-ақ Әзірбайжан, Қырғызстан, Тәжікстан және Моңғолия сынды жақын және алыс шетелдегі елден келген қолөнер шеберлерінің жұмыстары ұсынылған. Қонақтар Ферғана алқабының риштан қыш ыдыстарын, жебе салынған қорамсақты, қолмен тігілген «Сюзан» ұлттық кестесін, киіз кілемдерді, ат әбзелдерін және т.б. көре алады.
Сонымен қатар, Арбатта он күн бойы мегаполис тұрғындары мен қонақтары сауда жәрмеңкесіне барып, сән көрсетілімін көріп, ұлттық киім тігетін дизайнерлердің еңбегін бағалай алады. Бұған қоса, жәрмеңке қатысушылары қолөнер және дәстүрлі ойындардан тегін шеберлік дәрістері мен байқаулар ұйымдастырады.
Жәрмеңкеде былғарыдан, ағаштан жасалған заттар мен зергерлік бұйымдар ұсынылған. Ұлттық киім киіп қарсы алушылар келушілердің назарын өзіне аударды. Қазақстан дизайнерлері мен шеберлерімен қатар, жәрмеңкеге Қырғызстан, Өзбекстан және Моңғолиядан келген өз ісінің майталман мамандары қатысады.
Жәрмеңкенің мақсаты жастарға өнерге баулу, ұлттық дәстүрлерді жандандыру және шетелдік қонақтарды қазақтың этнодизиникалық өнерімен және мәдениетімен таныстыру.